Bonbardaketaren harira Lobak-en barruan proiektu txiki bat jarri gura dogu martxan: Loben argazki esposizioa. Horretarako ezinbestekoa dugu jendearen parte-hartzea.

Argazki esposizioa osatzeko aittitte-amumakin dauzkazuen argazkiak batu gura ditugu. Berdin dio gaur egungo erretratuak zein antzinakoak diren, kolorean zein zuri beltzean. Proiektuan lagundu nahi badozu, argazkiak era digitalean zein eskaneatuta bidal ditzakezu posta elektronikoz lobak.gernika@gmail.com helbidera, beranduenez apirilaren 7an. Argazkiarekin batera bidali esaldiren bat zure aittitte-amumakin lotura daukana, kontu labur-en bat, esaeraren bat, deskribapen txiki bat…

Jasotako argazki guztiak proiektu honetarako erabiliko ditugu beren-beregi eta helburu artistikoa baino ez dute edukiko. Lobak-eko taldekideok parte-hartzaile guztiak aurretik eskertu nahi ditugu proiektuan laguntzearren.